رواں سال کا دوسرا چاند گرہن کل ہوگا

تفصیلات کے مطابق اس سال کا دوسرا چاند گرہن کل ہوگا، چاند گرہن صدیوں بعد ہونے والا طویل ترین چاند گرہن ہو گا۔

محکمہ موسمیات کے مطابق رواں سال کا دوسرا چاند گرہن کل  یعنی 19 نومبر کو ہو گا۔   چاند گرہن کے وقت پاکستان میں دن ہو نے کے باعث چاند گرہن پاکستان میں نہیں دیکھا جاسکے گا۔

رپورٹس کے مطابق  افریقہ، امریکہ،آسٹریلیا ور یورپ کے مختلف حصوں  میں چاند گرہن دیکھا جاسکے گا۔

ناسا کا کہنا ہے کہ چاند گرہن 580 سال کا طویل ترین چاند گرہن ہو گا۔ ماہرین کے مطابق چاند گرہن کا دورانیہ 3گھنٹے 28 منٹ اور 23 سیکنڈ کا ہوگا،  چاند کی 97فیصد سطح کو گرہن لگے گا جو تقریباً مکمل چاند گرہن کے قریب ہے۔