نوجوت سنگھ سدھو نے عمران خان کو بڑا بھائی کہہ دیا

تفصیلات کے مطابق میڈیا سے گفتگو میں سدھو نے کہا  کہ دوریاں ختم کرنےکےلیےاقدامات کرنا ہوں گے، پاکستان سے بڑی مارکیٹ کہیں نہیں، لاہور اور گورداسپور کےدرمیان تجارت کھلےتو خوشی ہوگی۔

نکانہ صاحب میں سکھ مذہب کے بانی بابا گرو نانک کے 552 ویں جنم دن کی تقریبات جاری ہیں دنیا بھر سے آئے سکھ یاتری مذہبی رسومات کی ادائیگی میں مصروف ہیں۔

پاکستان آمد کے موقع پر سدھو کی کرتار پور کے سی ای او سے ملاقات کی ایک ویڈیو سوشل میڈیا پر وائرل ہورہی ہے جس میں پاکستانی حکام کو سدھو کا استقبال کرتے دیکھا جاسکتا ہے۔

سدھو نےوزیراعظم عمران خان کے بارے میں کہا ہے کہ وہ میرا بڑا بھائی ہے،جس پربھارتی میڈیا میں کہرام مچ گیا ہے اور سدھو کی جانب سے عمران خان کو بڑا بھائی کہنے پر پروپیگنڈا کیا جارہا ہے۔