سابق چیف جسٹس کے مبینہ آڈیوکلپ پر شہبازشریف کا ردعمل  آگیا

تفصیلات کے مطابق  سماجی رابطے کی ویب سائٹ ٹوئٹر پر ایک بیان میں مسلم لیگ نون کے صدراوراپوزیشن لیڈر  قومی اسمبلی  شہباز شریف کا کہنا ہے کہ سابق چیف جسٹس کی نئی آڈیو ٹیپ کا منظر عام پر آنا ظاہر کرتا ہے کہ کیسے ایک بڑی اسکیم کے ذریعے نواز شریف اور مریم نواز کو ٹارگٹ کر کے سیاسی عمل سے علیحدہ  رکھا گیا۔

شہباز شریف کا مزید کہنا تھا کہ وقت آگیا ہے  کہ  غلطیوں کو درست کیا جائے ، قوم انصاف کی  منتظر ہے۔

The emergence of a new audio clip of former Chief Justice shows how Nawaz Sharif & Maryam Nawaz were targeted as part of a grand scheme to keep them out of political process. Time has come to right the wrongs inflicted on them. The nation looks forward to justice system.

— Shehbaz Sharif (@CMShehbaz) November 22, 2021

سابق چیف جسٹس ثاقب نثار سے منسوب نئی مبینہ آڈیو منظر عام پر 

واضح رہے کہ گزشتہ روز سابق چیف جسٹس سپریم کورٹ آف پاکستان جسٹس ریٹائرڈ ثاقب نثار سے منسوب نئی مبینہ آڈیو سامنے آئی ہے جس میں   میاں نواز شریف اور مریم نواز کے خلاف سزا پر بات چیت کی گئی ہے۔

سابق چیف جسٹس ثاقب نثار کی خود سے منسوب آڈیو کلپ کی تردید

دوسری جانب جسٹس ثاقب نثار نے ایک  ٹی وی انٹرویو سے گفتگو میں مبینہ آڈیو کلپ کی تردید کرتے ہوئے اسے جھوٹ کا پلندہ قرار دے دیا ۔ ان کا کہنا تھاکہ یہ آواز میری نہیں ہے ، اسے مجھ سے منسوب کیا گیا ہے، میں نے کبھی کسی کو اس حوالے سے ہدایات نہیں دیں

۔ان کاکہنا تھا کہ اس قسم کی حرکتوں سے عدلیہ کو دبانے کی روایت پرانی ہے ۔

خیال رہے کچھ روز پہلے بھی گلگت بلتستان کے سابق چیف جج کی بیان حلفی سامنے آئی تھی جس میں انہوں نے الزام لگایا تھا کہ ثاقب نثار نے فون پر ایک جج سے بات کرتے ہوئے نواز شریف اور مریم نواز کو الیکشن سے قبل ضمانت نہ دینے کی ہدایت کی تھی۔