پاکستان کے شدید ناقد کرسچین فیر کی بھی بھارت کے ایف 16 مار گرانے کے دعوے کی تردید

تفصیلات کے مطابق  کرسچین فیر نے بھی بھارت کے ایف 16 مار گرانے کی تردید کر دی ہے۔ بھارت نے 27فروری 2019 کو پاکستانی ایف 16 فائیٹر طیارہ گرانے کا دعویٰ کیا تھا۔

بھارتی شہری جوون گونزیلوس نے کرسچین فئیر سے سوال کیا کہ  کیا پاکستانی ایف 16 طیارہ گرایا گیا یا نہیں، جس پر کرسچین فئیر نے جواب دیا کہ پاکستانی ایف 16 طیارہ مار گرانے کے قابل اعتما دشواہد موجود نہیں۔

بھارت دنیا کا واحد ملک ہے جس نے ایک ایسے کارنامہ پر ملٹری ایوارڈ دیا جو انجام نہیں پایا، بھارتی ائیر فورس نے خود کو سیاسی مقاصد کے لیے استعمال کی اجازت دی۔

گزشتہ روز گروپ کیپٹن ابھینندن ورتھمان کو  بھارتی صدر رام ناتھ کوونڈ کی جانب سے 2019ء کی فروری میں پاکستان کا ایف16 طیارہ مار گرانے کے جھوٹے دعوے پر ’ویر چکرا‘ ایوارڈ سے نوازا گیا تھا۔