پیٹرولیم ڈیلرز کی ہڑتال ، آئل ٹینکرز ایسوسی ایشن کا لاتعلقی کا اعلان

تفصیلات کے مطابق پیٹرولیم ڈیلرز کی ہڑتال کے اعلان پر آئل ٹینکرز ایسوسی ایشن نے لاتعلقی کا اظہار کردیا۔صدر میر شمس شہوانی کا کہنا ہے کہ  26 ہزار آئل ٹینکرز ملک بھر میں سپلائی جاری رکھیں گے۔ سب سے بڑا نیٹ ورک پی ایس او کا ہے 10ہزار سے زاہد ٹینکرز سپلائی جاری رکھیں گا۔ پی ایس او کے پٹرول اسٹیشنز پر پٹرولیم مصنوعات کی بلا تعطل فراہمی جاری رہے گی۔

قبل ازیں پٹرولیم ڈیلرز ایسوسی نے کل صبح 6 بجے سے ملک بھر میں پٹرول سپلائی بند کرنے کا اعلان کردیا ہے۔

پٹرولیم ڈیلرز ایسوسی ایشن کے عہدیداران نے پریس کانفرنس کی جس میں انہوں نے کہا کہ  مطالبات کی منظوری تک ہڑتال جاری رہے گی،  پٹرول پر کمیشن کی موجودہ شرح پر کام کرنا ممکن نہیں رہا، حکومت پٹرول پر کمیشن کی شرح 6 فیصد کرے۔ وزیر توانائی حماد اظہر نے مطالبات تسلیم کئے لیکن عملی اقدام سامنے نہیں آیا،  وعدے کے مطابق کمیشن کی شرح بڑھانے کی سمری تیار نہیں کی گئی۔

خیال رہے کہ پٹرولیم ڈیلرز ایسوسی ایشننے مارجن 6 فیصد بڑھوانے کیلئے 25 نومبر سے ہڑتال کا اعلان کررکھا ہے۔ ترجمان کا کہنا تھاکہ 25 نومبر کو کشمیر، گلگت بلتستان سمیت ملک بھر میں تمام پیٹرول پمپس بند رہیں گے۔