بنگلادیشی بلے باز محمود اللہ نے ٹیسٹ کرکٹ سے ریٹائرمنٹ کا اعلان کردیا

تفصیلات کے مطابق محمود اللہ نے ٹیسٹ کرکٹ سے ریٹائرمنٹ کا اعلان کرتے ہوئے کہا کہ وہ باضابطہ طورپر ٹیسٹ کرکٹ سے ریٹائر ہور ہے ہیں۔

ان کا کہنا تھا کہ میں نے اپنے پہلے اور آخری ٹیسٹ میں مین آف دی میچ کا ایوارڈ حاصل کیا، ٹیسٹ کرکٹ میں اُن کا سفر شاندار  رہا، وہ اپنے خاندان، ساتھی کھلاڑیوں، کوچز اور بنگلادیش کرکٹ بورڈ کے شکر گزار ہیں۔

.@Mahmudullah30 has announced his retirement from Test cricket. He scored 2914 runs at an average of 33.49 and took 43 wickets in 50 Tests.

He has also captained Bangladesh in six Test matches.#ThankYouMahmudullah pic.twitter.com/i8W2lifWfb

— Bangladesh Cricket (@BCBtigers) November 24, 2021

انہوں نے کہا کہ وہ ون ڈے اور ٹی ٹوئنٹی کرکٹ کھیلتے رہیں گے، محمود اللہ پاکستان کیخلاف پہلے ٹیسٹ میچ کیلئے اعلان کردہ بنگلادیشی اسکواڈ میں شامل نہیں تھے۔

محمو داللہ نے 50 ٹیسٹ میچز میں ملک کی نمائندگی کی جس میں اُنہوں نے 94 اننگز میں 2914 رنز 33 اعشاریہ 49 کی اوسط سے بنائے۔

ٹیسٹ کرکٹ میں اُن کی سب سے بڑی اننگز 150 رنز ناٹ آؤٹ کی رہی، اُنہوں نے پانچ سنچریاں اور 16 نصف سنچریاں بھی اسکور کیں۔