اوگرا کاپٹرولیم مصنوعات کی سپلائی اور فراہمی میں خلل ڈالنے  کے حوالے سے خبروں کا نوٹس

تفصیلات کے مطابق آئل اینڈ گیس ریگولیٹری اتھارٹی (اوگرا)نے پٹرولیم مصنوعات کی سپلائی اور فراہمی میں خلل ڈالنے  کے حوالے سے خبروں کا نوٹس لے لیا، اوگرا نے مارکیٹنگ کمپنیوں کو بلاتعطل فراہمی یقینی بنانے کی ہدایت کردی۔

ترجمان اوگرام کا کہنا ہے کہ  اوگرا کی جانب سے مانیٹرنگ کےلئے انفورسمنٹ ٹیمیں تشکیل دے دیں گئی ہیں،  ڈیلرز مارجن میں اضافے کے حوالے سے چند عناصر پٹرول کی سپلائی میں خلل ڈالنے کی کوشش کر رہے ہیں،  تمام آؤٹ لیٹس پر پٹرولیم مصنوعات کی بلاتعطل فراہمی یقینی بنائی جائے۔

ترجمان کا کہنا تھا کہ  اوگرا کی انفورسمنٹ ٹیمیں فیلڈ میں صورتحال کو مانیٹر کریں گے،  کسی بھی طرح سے سپلائی میں تعطل پیدا کرنے والوں کے خلاف سخت کارروائی عمل میں لائی جائے گی۔

دوسری جانب ترجمان وزارت پٹرولیم  کے مطابق  کل ملک بھر میں تمام پی ایس او، شیل، ٹوٹل اور دیگر کمپنیوں کے اپنے پٹرول پمپ کھلے رہیں گے،  آئل سپلائی میں مستعدی کےلئے ٹینکروں کو روانہ کردیا گیا ہے، آئل سیکٹر کی مختلف تنظیموں نے وزارت کی جانب سے اٹھائے گئے اقدامات پر اظہار اطمینان کیا ہے۔

خیال رہے کہ پٹرولیم ڈیلرز ایسوسی ایشننے مارجن 6 فیصد بڑھوانے کیلئے 25 نومبر سے ہڑتال کا اعلان کررکھا ہے۔ ترجمان کا کہنا تھاکہ 25 نومبر کو کشمیر، گلگت بلتستان سمیت ملک بھر میں تمام پیٹرول پمپس بند رہیں گے۔