امریکا جوہری حملے کی مشقیں کر رہا ہے، روس

روسی وزارت دفاع نے ایک بیان میں کہا ہے کہ امریکی فوجی مشقوں گلوبل تھنڈر میں شامل10امریکی بمبارطیاروں نے مشرقی اورمغربی سمت سے روس پرجوہری حملے کی مشق کی۔ امریکی طیارے روسی سرحد کے 20کلومیٹراندرآئے۔

روسی وزیر دفاع سرگئی شوئیگو نے کہا کہ ماسکو نے امریکی اسٹریٹجک بمبار طیاروں کی سرگرمیوں میں نمایاں اضافہ نوٹ کیا ہے جس کے بارے میں ان کے بقول اس ماہ روس کے قریب 30 پروازیں کی گئی تھیں۔ انہوں نے کہا کہ یہ پچھلے سال کی اسی مدت کے مقابلے میں 2.5 گنا زیادہ ہے۔

دوسری جانب پینٹاگون نے کہا ہے کہ امریکی جنگی طیاروں کی  مشقیں عالمی قوانین اورپروٹوکول کے مطابق تھیں۔روس کی جانب سے ان الزامات کے بعد امریکا اورروس کے اعلی فوجی حکام کے درمیان رابطہ ہوا ہے۔

خیال رہے کہ  امریکا اورروس کے درمیان یوکرین کے تنازع پرکشیدگی جاری  ہے۔