چٹاگانگ ٹیسٹ: پاکستانی اوپنرز کی پر اعتماد بیٹنگ

تفصیلات کے مطابق قومی ٹیم کے اوپنرز عابد علی اور عبداللہ شفیق نے پراعتماد بیٹنگ کرتے ہوئے بہترین شراکت داری قائم کرلی ہے اور دونوں نے نصف سنچریاں اسکور کیں، عبداللہ شفیق نے اپنے ڈیبیو میچ میں نصف سنچری بنائی۔

عبداللہ شفیق 52 اور عابد علی 93 رنز پر ناٹ آؤٹ ہیں جب کہ بنگلادیش کو پاکستان پر 185 رنز کی برتری حاصل ہے۔

 بنگلا دیش کی جانب سے لٹن داس 113 اور مشفیق الرحیم نے82 رنز بنائے۔

پاکستان کی جانب سے حسن علی نے شاندار بولنگ کا مظاہرہ کرتے ہوئے 5 کھلاڑیوں کو آؤٹ کیا جبکہ شاہین شاہ آفریدی اور فہیم اشرف نے دو دو وکٹیں حاصل کی ہیں۔