کورونا کا نیا ویرینٹ، امریکہ نے لاک ڈاؤن کو خارج از امکان قرار دیدیا 

غیر ملکی خبر رساں ادارے کے مطابق امریکی صدر جو بائیڈن  نے جنوبی افریقا میں سامنے آنے والے  کورونا کے نئے  ویرینٹ"­­ اومی کرون"  کے حوالے سے لاک ڈاؤن کی آپشن کو مسترد کردیا ہے ، امریکی صدر کا کہنا ہے کہ کورونا کا نیا ویرینٹ  تشویش کاباعث ہے، خوف کانہیں ۔

امریکی صدر نے امریکیوں پر زور دیتے ہوئے کہ وہ بوسٹر شاٹس سمیت مکمل ویکسین لگائیں، اور کورونا  کے  پھیلاؤ کو کم کرنے کے لیے عوامی مقامات  پر ماسک کا استعمال کریں ۔

 صدر جو بائیڈن کا کہنا ہے کہ ڈاکٹرانتھونی فاؤچی نےتوقع ظاہرکی ہےکہ بوسٹرزکےساتھ موجودہ ویکسینزمعاون رہیں گی ۔

خیال رہے کہ بائیڈن نے کورونا وائرس کے خلاف جنگ کو اپنی ترجیحات میں شامل کیا ہے اور امریکی کانگریس پر 1.9لاکھ کروڑ ڈالر کے امدادی پیکج کو منظور کرنے پر زور دے رہے ہیں۔

واضح رہے کہ گزشتہ ہفتے  بائیڈن نے جنوبی افریقہ  سمیت  سات دیگر ممالک  پر سفری پابندی بھی عائد کی ہے ۔ جن میں  برازیل اور یورپ کے بیشتر ملکوں سے آنے والے غیر امریکی شہری  شامل ہیں ۔  وائٹ ہاوس کے ذرائع کے مطابق ان پابندیوں کا اطلاق جنوبی افریقہ سے آنے والے مسافروں پر بھی ہوگا۔