بہتر ہے خود علاقے سے نکل  جاؤ ورنہ نقصان ا اٹھاؤ گے، ایران کی امریکا کو دھمکی

غیر ملکی خبر رساں ادارے  کے مطابق سپاہ قدس کے کمانڈر جنرل قاآنی  نے امریکیوں کو خبردار کرتے ہوئے کہا ہے کہ  وہ خود سے جلد از جلد علاقے سے باہر نکل جائیں۔  اگر وہ خود سے علاقہ چھوڑ کر نہ گئے تو پھر انہیں اس کی بڑی اور سخت قیمت چکانا ہوگی۔

ایران کی سپاہ پاسداران انقلاب اسلامی کی قدس فورس کے کمانڈر جنرل قاآنی  نے کہا کہ ہم نے امریکیوں کے لئے واضح کر دیا ہے کہ ان کے پاس ابھی بھی وقت ہے کہ وہ خود سے علاقے کو چھوڑ دیں ورنہ انہیں اس خطے میں افغانستان میں پیش آنے والی بدترین صورتحال سے زیادہ بری صورتحال کا سامنا کرنا پڑے گا۔ان کا کہنا تھا کہ  جس طرح امریکا ماضی میں من مانی کیا کرتا تھا اب اُس طرح امریکا اپنی من مانیاں نہیں کر پائے گا کیونکہ وہ زمانہ اب گزر چکا ہے۔