طالبان رہنما ملا ہیبت اللہ اخواندزادہ نے خواتین کی زبردستی شادی کرنے پر پابندی لگا دی

غیر ملکی خبر رساں ادارے کے مطابق  عورتوں کے حقوق کے بارے میں خصوصی  حکمنامہ جاری کیاگیاہےطالبان کے رہنما مولوی ہیبت اللہ نے خواتین کے حقوق سے متعلق اپنے تازہ  حکم نامے میں کہا کہ  شادی کے لئےبالغ لڑکی کی رضامندی ضروری ہے ۔ کسی بھی عورت کو شادی پر مجبور نہیں  کیاجاسکتا،کسی بھی عورت کو امن  یا جہیز کے بدلے میں نہیں دیاجائےگا۔

حکم نامے میں یہ بھی کہا گیا  کہ بیوہ کی زبردستی اس کے شوہر کے بھائی یا کسی اور سے شادی نہیں کی جا سکتی۔ بیوہ کو شادی کرنے اور اپنی تقدیر خود طے کرنے کا حق ہےحکم نامے میں متعلقہ اداروں سے مطالبہ کیا گیا کہ وہ لوگوں کو سمجھائیں ، تاکہ خواتین پر ظلم نہ ہو۔عدالتوں کو بھی  ہدایت کی گئی  کہ وہ خواتین کی درخواستوں، خاص طور پر بیواؤں کے حقوق اور ان پر ظلم پراصولی طور پر فیصلہ کریں۔