لاہور: پولیس نے چار رکنی موٹر سائیکل چور گینگ گرفتار کر لیا

تفصیلات کے مطابق  سبزہ زار پولیس نے چار رکنی موٹر سائیکل چور گینگ گرفتار کر لیا۔ گرفتار ملزمان میں فرید ،وقار،ضیغم اور امتیاز علی شامل ہیں، گرفتار ملزمان سے 14عدد چوری شدہ موٹر سائیکل برآمد کرلی گئیں ہیں۔

ایس پی صدر حفیظ الرحمن بگٹی کا کہنا ہے کہ  ملزمان لاہور کے مختلف علاقوں سے موٹر سائیکل چوری کرتے تھے، ملزمان موٹر سائیکل چوری کرکے بلوچستان بھجواتے تھے۔  ملزمان چوری کی گئی موٹر سائیکلوں کی رقم جاز کیش کے زریعے منگواتے تھے۔  تمام ملزمان درجنوں مقدمات میں سابقہ ریکارڈ یافتہ ہیں۔ملزمان سے مزید تحقیقات کی جا رہی ہیں۔