ڈھاکا ٹیسٹ: بنگلہ دیش مشکلات کا شکار

تفصیلات کے مطابق میچ کے چوتھے روز کا آغاز  پاکستان کی اننگز سے ہوا جس میں  اظہر علی 56 رنز کے ساتھ عبادت حسین کی بال پر آؤٹ ہوگئے اور اب کپتان بابراعظم 76 رنز بناکر خالد احمد کی گیند پر ایل بی ڈبلیو ہوئے۔

پاکستان کی جانب سے کپتان بابراعظم 76 رنز کے ساتھ نمایاں رہے، اظہر علی ، فواد عالم ، محمدرضوان نے نصف سنچریاں بنائیں ہیں۔

بنگلادیش کی اننگز کی شروعات میں ہی اوپنر محمود الحسن جوائے، نجم الحسین شنتو، لٹن داس، شادمان اسلام، مشفق الرحیم اور مہدی حسن کو  ساجد خان نے آؤٹ کیا جب کہ مومن الحق  کو حسن علی نے رن آؤٹ کیا۔

پاکستان کی جانب سے ساجد علی کی تباہ کن  بولنگ نے بنگلادیش کی کمر توڑ دی اور 6 کھلاڑی آؤٹ کیے، جبکہ ایک کھلاڑی رن آؤٹ ہوا ہے۔

خراب موسم کی وجہ سے چوتھے روز بھی کھیل کا آغاز تاخیر سے ہوا ہے لیکن آج  86 اوورز کا کھیل ہو سکا ہے۔