سیالکوٹ واقعہ کے ذمہ داروں کو سخت سے سخت سزاد ی جانی چاہئے، فوادچودھری

وفاقی وزیر اطلاعات فوادچودھری نے میڈیا بریفنگ دیتے ہوئے کہا کہ  وفاقی کابینہ کی جانب سے سیالکوٹ واقعہ کی شدید مذمت کی گئی ،  سیالکوٹ واقعہ کے ذمہ داروں کو سخت سے سخت سزاد ی جانی چاہئے۔انہوں نے کہا کہ الیکشن کمیشن کو جو تسلی کرنی ہے وہ کرنی چاہئے،وفاقی کابینہ کے اجلاس میں ای وی ایم پر بریفنگ دی گئی،  ای وی ایم کو سمجھے بغیر تنقید کرنے پر اعتراض ہے، حسن اور حسین کو موقع دینا چاہتے ہیں کہ وہ اپنے پاپا کی سابق  پارٹی کوووٹ دیں، ای وی ایم لانےکا مقصد ایک ہی ہے کہ انتخابات صاف اور شفاف ہوں۔

فوادچودھری نے کہا کہ  ہفتہ وار مہنگائی کی شرح میں 0.48فیصد کمی آئی ہے، امید ہے سندھ حکومت کراچی اور حیدرآباد  میں مہنگائی کنٹرول کرنے کیلئے اقدام کرےگی، چینی کی قیمتوں میں مزید کمی متوقع ہے، رواں سال 400ارب روپے  ایگری کلچر سیکٹر کو زیادہ گیا، تنخواہ دار طبقے کیلئے مہنگائی ہے،  دالوں کی قیمتوں میں بھی استحکام ہے۔

 وفاقی وزیر فوادچودھری کا مزید کہنا تھا کہ  رانا شمیم کے بیان حلفی سے متعلق کیس عدالت میں ہے،رانا شمیم عدالت کی اجازت سے باہر جاسکتےہیں۔انہوں نے کہا کہ حمزہ اور مریم کو سراہتا ہوں نجی محفل میں ان کا گانا اچھا لگا،اچھی بات ہے خاندان کی محفلوں کو انجوائے کرنا چاہیے، حمزہ  شہبازاور مریم  نوازسے سیاسی اختلافات ہے،  عوام کے پیسوں کو شادیوں میں استعمال نہ کریں۔