لاہور میں اسسٹنٹ ڈرائیور مسافر ٹرین کا انوکھا کارنامہ

تفصیلات کے مطابق کاہنہ کاچھا ریلوےاسٹیشن کے قریب ٹرین روک کراسسٹنٹ ڈرائیور بازار سے دہی لینے چلا گیا تھا۔

واقعے کی ویڈیو سوشل میڈیا پر وائرل ہوگئی جس پر صارفین کی جانب سے سخت ردعمل کا  اظہار کیا جارہا ہے۔

دوسری جانب وفاقی وزیر ریلوے اعظم سواتی نے اسسٹنٹ ڈرائیور کی ٹرین روک کردہی خریدنےکی ویڈیو کا نوٹس لے لیا اور ٹرین ڈرائیور رانا شہزاد اور اسسٹنٹ ڈرائیور افتخار حسین کو معطل کرنے کا حکم دے دیا۔

ان کا کہنا تھاکہ اس طرح کے واقعات برداشت نہیں کیے جائیں گے، پاکستان ریلوے قومی امانت ہے، ذاتی مقاصد کیلئے استعمال نہیں ہونےدیں گے۔