دودھ اور دہی 15 روپے تک مہنگا ہوگیا

تفصیلات کے مطابق ضلعی انتظامیہ نے اشیا ئے ضروریہ کی   نئی ریٹ لسٹ جاری کردی ہے۔ضلعی انتظامیہ نے  دودھ  ،دہی اور دالوں   کے نرخ بڑھا دئیے، دودھ  اور دہی 15 روپے   تک مہنگا کردیاگیا۔ دودھ   کی قیمت 100  سے بڑھا کر115 روپے لیٹر کردی گئی۔ جبکہ  دہی کے نرخ 120 سے بڑھا 135  روپے کلو کر دئیے۔

چاول باسمتی  سپر کی ریٹیل قیمت130 روپے مقررکردی گئی،دال چنا کی  قیمت 140،دال مسور باریک220،دال ماش  کی قیمت 265 روپے مقررکردی گئی،کالا چنا کی قیمت 145  ،سفید چنے   کی قیمت 185 روپے    مقرر کردی گئی۔

مٹن کی قیمت1100 اور بیف 600 روپے میں فروخت ہوگا،20 کلو آٹے کے تھیلے کی قیمت 1100 مقرر کردی گئی۔

ضلعی انتظامیہ نے نئے نرخنامے کا نوٹی فکیشن جاری کردیا ہے۔