Advertisement

برطانیہ اور آئرلینڈ میں طوفان نے تباہی مچادی 

لندن : برطانیہ اور آئرلینڈ میں طوفان نے تباہی  مچادی ، ملک میں موسلا دھار بارشوں اور تیز ہواؤں نے ڈیرے ڈال لیے ۔

GNN Web Desk
شائع شدہ 5 سال قبل پر دسمبر 8 2021، 3:28 شام
ویب ڈیسک کے ذریعے
برطانیہ اور آئرلینڈ میں طوفان نے تباہی مچادی 

خبرایجنسی کے مطابق برطانیہ اور آئرلینڈ میں طوفان اور شدید برفباری  سے ہزاروں لوگوں کی بجلی منقطع ہوگئی ، ویلز میں ہوا کی رفتار 86 میل فی گھنٹہ ریکارڈ کی گئی ، خراب موسم کے باعث شاہراہوں کے بندہونےکا خدشہ ہے ۔

 برطانوی میڈیا کے مطابق طوفان سے مجموعی طور پر 59,000 سے زیادہ لوگ بجلی سے محروم  رہے ہیں ۔ طوفان کے باعث ٹرین سروس اور پروازیں بھی متاثر ہوئی  ہیں ۔ 

برطانوی محکمہ موسمیات نے  طوفان '  بیرا ' وارننگ جاری کردی ہے ۔ خبر ایجنسی کے مطابق ملک کے بیشتر علاقوں میں  مز ید بارشوں کی بھی پیش گوئی کی گئی ہے  جبکہ حکام نے لینڈ سلائیڈنگ کی وارننگ جاری کردی ۔

ادھر امریکی ریاست ہوائی میں شدید بارشوں سے سیلابی صورتحال پیداہوگئئ جبکہ متعدد گاڑیاں بھی سیلابی پانی میں پھنس گئیں ۔ سیلابی صورتحال میں امدادی کارروائیاں بھی جاری ہیں اور 5افراد کو بچا لیا گیا ۔

Advertisement
رجحانات
Advertisement