بابراعظم نے ٹیسٹ کرکٹ میں پہلی وکٹ حاصل کرلی

ڈھاکہ ٹیسٹ میچ انتہائی اہم ترین مرحلے میں داخل ہوگیا ہے ۔ 

پاکستانی باؤلر بابراعظم نے اہم ترین موقع پر بنگلہ دیش کی وکٹ حاصل کرکے میچ کو فیصلہ کن بنادیا ہے ۔ بابراعظم کی ٹیسٹ کرکٹ میں پہلی وکٹ ہے ۔ بنگلہ دیش کے دوسری اننگز میں 8 کھلاڑی آؤٹ ہوچکے ہیں جبکہ اننگ کی شکست سے بچنے کے لیے 13 رنز چاہیے ، جبکہ پانچویں روز کا کھیل ختم ہونے میں 13 اوورز باقی رہ گئے  ہیں ۔ 

اس سے قبل ڈھاکہ ٹیسٹ میچ  میں پاکستان نے بنگلہ دیش کو فالو آن کرادیا۔   بنگلہ دیش کی پوری ٹیم پہلی اننگز میں 87رنز بناکر آوٹ ہو گئی۔

ڈھاکہ ٹیسٹ میچ میں بنگلہ دیش  نے فالوآن کے بعد دوسری اننگز میں بیٹنگ شروع کردی۔ بنگلہ دیش کو اننگز کی شکست سے بچنے کے لیے 213 رنز  درکار ہیں  ۔ بنگلہ دیش کو اب پاکستان کی برتری ختم کرنے کے بعد پاکستان کو ہدف دینا ہو گا۔

پہلی اننگز میں آف اسپنر ساجد خان نے بنگلہ دیش کی بیٹنگ لائن اڑا کر رکھ دی۔  ساجد خان نے  10 میں سے 8 وکٹیں حاصل کیں۔ میزبان ٹیم کے 9  کھلاڑی ڈبل فگر میں داخل نہ  ہوسکے۔

بنگلہ دیش کی طرف نے شکیب الحسن نے سب سے زیادہ 33 رنز بنائے جبکہ نجم الحسن نے 30 رنز جوڑے۔

یاد رہے کہ پاکستان نے کھیل کے چوتھے روز پہلی اننگز300 رنز 4 کھلاڑی آوٹ پر ڈکلیئر کر دی تھی۔ پاکستان کے بابر اعظم، اظہر علی، فواد عالم اور محمد رضوان نے نصف سنچریاں بھی اسکور کیں۔