نان اور روٹی کی قیمتوں میں اضافہ 

تفصیلات کے مطابق  صدر نان روٹٰی ایسوسی ایشن آفتاب گل کا کہنا ہے کہ روٹی کی قیمت 10 روپے سے بڑھا کر 12 روپے کر دی گئی جبکہ نان  کی قیمت 15 سے بڑھا کر 18 روپے کر دی گئی۔

متحدہ نان روٹی ایسوسی ایشن کے صدرآفتاب اسلم گل کا  پریس کانفرنس میں کہنا تھا کہ  حکومت کو وقت دیا تھا کہ میدے اور آٹے کی قیمت بڑھ چکی ہے ،  دو سے تین ماہ ہو گئے پستے ہوئے، تندور مالک مقروض ہوگئے ہیں،  دس روپے کی روٹی آٹھ سو ساٹھ روپے تھیلے پرتھی،  تندور والا جیب سے کب تک چلائے گا۔

 آفتاب گل نے کہا کہ  عوام کو ریلیف تندور مالکان نے نہیں حکومت دیتی ہے،  گیس کی لوڈ شیڈنگ شروع ہو چکی ہے ایل پی جی اور لکڑی استعمال کرکے بھی نقصان ہے، ہزاروں روپے ٹیکس دے رہے ہیں ایکسٹراٹیکس کی سمجھ نہیں آتی ، تندور والا ریٹ نہیں بڑھانا چاہتا دو تین ماہ برداشت کیا ڈی سی آفس کا دروازہ بار بار کھٹکھٹایا لیکن آواز نہیں سنی گئی۔

متحدہ نان روٹی ایسوسی ایشن کے صدرنے کہا کہ  آٹے کی قیمت من مرضی سے بڑھائی جاتی ہے لیکن ان پر کوئی ایکشن نہیں لیتا،  ڈی سی آفس میں نوٹیفکیشن سے آٹے کی قیمت بڑھائی گئی ، کاروبار نفع کےلئے کیاجاتا نقصان کےلئے نہیں کیاجاتا، موجودہ حالات میں نان کی قیمت بیس روپے نکلتی ہے لیکن اجلاس میں اٹھارہ روپے کا نان سادہ روٹئ بارہ روپے کی کریں گے۔

ان کا مزید کہنا تھا کہ  اگر حکومت نان و روٹی کو سستا کرنا چاہتی ہے تو آٹا و میدہ سستا کریں ،  ظلم کی بات یہ ہے کہ ہمارے ساتھ تین ماہ سے کوئی بات نہیں کی گئی، رواں اتوار سے اٹھارہ روپے کا نان بارہ روپے کی سادہ روٹی کی قیمت بڑھا رہے ہیں،  روٹی کے وزن کم پر کبھی دفاع نہیں کرتے اگر وزن کم کریں تو قیمت ہی زیادہ نہ کریں،  سو گرام کی روٹی ہوتی ہے اور نان کا ایک سو بیس گرام وزن ہوتاہے،  حکومت آئے ہمارے ساتھ بیٹھ کر آٹا و نان کے تھیلے سستے دیدیں ہم سستی روٹی دیدیں گے۔