آرمی چیف کا بھارتی چیف  آف ڈیفنس اسٹاف جنرل بپن راوت  کی حادثے میں ہلاکت پر اظہار افسوس

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق چیئرمین جوائنٹ چیفس آف سٹاف کمیٹی جنرل ندیم رضا اور آرمی چیف جنرل قمر جاوید باجوہ نے  بھارتی چیف  آف ڈیفنس اسٹاف جنرل بپن راوت  کی ہلاکت پر افسوس کا اظہار کیا ہے۔

آئی ایس پی آر کے مطابق  جنرل ندیم رضا اور جنرل قمر جاوید باجوہ نے ہیلی کاپٹر حادثے میں بپن راوت اور ان کی اہلیہ کی موت پر تعزیت کی ۔

General Nadeem Raza, CJCSC & General Qamar Javed Bajwa, COAS express condolences on tragic death of #CDS General #BipinRawat, his wife and loss of precious lives in a helicopter crash in India

— DG ISPR (@OfficialDGISPR) December 8, 2021

واضح رہے کہ بھارتی فضائیہ نے جنرل بپن راوت  کی  ہیلی کاپٹر حادثے میں ہلاکت کی تصدیق کردی ہے، دہلی : بھارتی ایئرفورس نے کہا ہے کہ ہیلی کاپٹر حادثے میں جنرل بپن راوت، ان کی اہلیہ اور گیارہ دیگر افراد ہلاک ہوئے ہیں۔

خیال رہے کہ  چیف آف ڈیفنس اسٹاف جنرل بپن راوت کا ملٹری ہیلی کاپٹر ریاست تامل ناڈو میں گر کر تباہ ہوا تھا۔ بھارتی خبرایجنسی کے مطابق ہیلی کاپٹر میں جنرل بپن راوت کا عملہ اور گھر کے کچھ افراد بھی سوار تھے ۔