ساجد خان نے سب بڑے ناموں کو پیچھے چھوڑ دیا

ساجد خان نے بنگلا دیش کے خلاف ڈھاکہ ٹیسٹ میں 128 رنز کے عوض 12 وکٹیں حاصل کی ہیں جو کسی بھی پاکستانی آف اسپنر کی جانب سے ٹیسٹ میچ میں بہترین بالنگ فیگر ہے۔

سعید اجمل کا ٹیسٹ میچ میں بہترین بالنگ فیگر 111 رنز کے عوض 11 وکٹیں  جبکہ ثقلین مشتاق  کا بہترین بالنگ فیگر 155 رنز کے عوض 10 وکٹیں  ہے۔

ساجد خان نے اسی میچ کی پہلی اننگز کے دوران آٹھ وکٹیں حاصل کرکے کسی بھی پاکستانی آف اسپنر کی جانب سے ایک اننگز میں سب سے زیادہ وکٹیں لینے کا ریکارڈ بھی برابر کردیا۔

اس سے قبل ثقلین مشتاق نے ایک اننگز میں آٹھ وکٹیں حاصل کی تھیں جبکہ سعید اجمل کی ایک اننگز میں سب سے زیادہ وکٹوں کی تعداد 7 ہے۔

یاد رہے کہ پاکستان نے بنگلا دیش کو ڈھاکہ ٹیسٹ میں ایک اننگز اور 8 رنز سے شکست دے کر دو میچز کی آئی سی سی ورلڈ ٹیسٹ چیمپئن شپ سیریز میں کلین سوئپ کیا ہے۔