روہت شرما بھارتی ون ڈے ٹیم کے کپتان مقرر

تفصیلات کے مطابق بھارتی کرکٹر ویرات کوہلی سے ٹی ٹوئنٹی ٹیم کی کپتانی کے بعد ون ڈے ٹیم کی بھی قیادت واپس لے لی گئی ہے۔بھارتی میڈیا کے مطابق ویرات کوہلی کی جگہ اب روہت شرما کو کپتان نامزد کیا گیا ہے۔ 

یاد رہے کہ ٹی ٹوئنٹی ورلڈ کپ کے بعد ویرات کوہلی نے ٹی 20فارمیٹ کی بھارتی ٹیم کی کپتانی چھوڑ دی تھی جس کے بعد روہت شرما کو قیادت سونپی گئی تھی۔

بھارتی کرکٹ بورڈ نے جنوبی افریقا کے دورے کے لیے ٹیموں کا اعلان کیا ہے,بی سی سی آئی نے روہت شرما کو ٹیسٹ ٹیم کا نائب کپتان بھی مقرر کیا ہے۔

یاد رہے کہ بھارتی کرکٹ ٹیم 26 دسمبر کو جنوبی افریقا کے خلاف تین میچوں پر مشتمل ٹیسٹ سیریز کا پہلا میچ کھیلے گی۔