مانسہرہ: ڈبل کیبن پک اپ  گہری کھائی میں جا گری، چار افراد جاں بحق

تفصیلات کے مطابق مانسہرہ میں جرید شینو کے مقام پر ڈبل کیبن پک اپ  گہری کھائی میں جا گری۔ حادثے کی اطلاع پر   ریسکیو 1122  کاغان کی ٹیم  جرید شینو پہنچ گئی ہے۔

ریسکیو ذرائع کا کہنا ہے کہ حادثے میں چار افراد موقع پر جاں بحق ہوگئے ہیں جبکہ  دو شدید زخمی ہیں۔ زخمیوں اور جاں بحق افراد کو بالاکوٹ سول ہسپتال میں منتقل کیا جا رہا ہے۔

حادثہ کا شکار ہونے والی پک اپ محکمہ واٹر شیڈ کی تھی،حادثہ میں محکمہ کے آفیسر سمیت چار افراد جاں بحق ہوئے ہیں۔