الیکشن کمیشن کا سندھ میں حلقہ بندیاں مؤخر کرنے کا فیصلہ

تفصیلات کے مطابق وزیر اعلیٰ سندھ مراد علی شاہ  نے  چیف الیکشن کمشنر سے ملاقات  کی ، الیکشن کمیشن  نے سندھ حکومت کی درخواست پر  سندھ میں حلقہ بندیاں موخر کرنے کا فیصلہ  کیا ہے ۔

ذرائع کے مطابق سندھ حکومت نے قانون سازی کے لیے 2 ہفتے کی مہلت طلب کی  ۔ ملاقات میں سندھ سے الیکشن کمیشن کے رکن شاہ محمد جتوئی اور دیگر حکام بھی موجود تھے۔

واضح رہے کہ 2  دسمبر کو سندھ میں متوقع بلدیاتی انتخابات کے حوالے سے الیکشن کمیشن آف پاکستان نے ضلع کی حدود تبدیل کرنے پر پابندی عائد کی تھی ۔ الیکشن کمیشن کی جانب سے جاری اعلامیے میں بتایا گیا تھا کہ سندھ حکومت شہری یا مقامی علاقے کی حدود بھی تبدیل نہیں کرسکتی  جبکہ ٹاؤن اور میونسپل کمیٹی کی تبدیلی پر بھی پابندی ہے ۔

الیکشن کمیشن  یہ واضح کر چکی ہے  کہ نئی حلقہ بندیاں سابقہ حدود پر ہی کی جائیں گی۔