پی ٹی آئی کے بانی رہنماء ڈاکٹر ابوالحسن انتقال کر گئے

اسلام آباد : وزیراعظم عمران خان نے پاکستان تحریک انصاف (پی ٹی آئی) کے بانی کارکنوں میں سے ایک ڈاکٹر ابوالحسن کے انتقال پر افسوس کا اظہار کیا ہے۔

ڈاکٹر ابوالحسن کے انتقال کی اطلاع پاکر رنجیدہ ہوں۔ وہ پاکستان تحریک انصاف کے دیرینہ کارکنان میں سے ایک تھے جنہوں نے ہماری تنظیم کے حوالے سے گراں قدر خدمات سرانجام دیں۔ میری دعائیں اور ہمدردیاں ان کے اہلِ خانہ کے ساتھ ہیں۔

— Imran Khan (@ImranKhanPTI) December 8, 2021

سماجی رابطے کی ویب سائٹ ٹویٹر پر اپنے ایک بیان میں وزیراعظم عمران خان نے لکھا کہ پاکستان تحریک انصاف (پی ٹی آئی) بانی ممبران میں سے ایک ڈاکٹر ابو الحسن کے اتنقال کے بارے میں جان کر افسوس ہوا، انہوں نے ہماری پارٹی کی تنظیم کیلئے گراں قدر خدمات انجام دیں۔اپنی بات کو جاری رکھتے ہوئے وزیراعظم نے لکھا کہ میری تعزیت اور دعائیں ان کے اہل خانہ کے ساتھ ہیں۔

دوسری جانب وزیر مملکت اطلاعات و نشریات فرخ حبیب نے ‏ڈاکٹر ابوالحسن کی وفات پر اظہار تعزیت کرتے ہوئے کہا کہ مرحوم پی ٹی آئی کے نظریاتی کارکن تھے۔ وزیر مملکت نے اپنے ٹویٹ میں کہا کہ دل کی دھڑکن بند ہونے کے باعث ان کی اچانک وفات پر بہت افسوس ہوا۔ انہوں نے اللہ تعالی ان کی مغفرت کی دعا .

ڈاکٹر ابوالحسن پاکستان تحریک انصاف کے مخلص کارکن تھے ان کی ناگہانی وفات پر انتہائ افسوس ۔۔۔ خدا غریق رحمت کرے https://t.co/xUJdYrd2ff

— Ch Fawad Hussain (@fawadchaudhry) December 8, 2021