فائیو جی ٹیکنالوجی جہازوں کیلئے خطرہ بننے لگی 

تفصیلات کے مطابق پائلٹس کی بین الاقوامی تنظیم انٹرنیشنل فیڈریشن آف ایئرلائن پائلٹ ایسوسی ایشن (آئی ایف اےایل پی اے) ایفالپا نے  خبردار کرتے ہوئے کہا ہے کہ  فائیو جی کے سگنلز جہاز کے ریڈار سسٹم کو نقصان پہنچا رہے ہیں، فائیو جی سگنلز جہاز کے ریڈار سگنلز کا ائیرٹریفک کنٹرول سے رابطہ متاثر کردیتے ہیں جس سے جہاز آٹو ٹیک آف اور لینڈنگ میں مشکلات پیش آتی ہیں ۔

ایفالپا کا کہنا ہے کہ دھند اور سموگ میں آئی ایل ایس کیٹگری3 کی نشاندہی بھی نہیں کرپاتا ، جہاز کی اونچائی غلط بتانے سے2009 میں ترکش ایئرکا طیارہ ایمسٹراڈیم میں حادثے کا شکار ہوا ۔ 

پائلٹس کی بین الاقوامی تنظیم  نے امریکی فضائی حدود میں فائیو جی ٹیکنا لوجی والے ایئرپورٹس پر احتیاط برتنے کی ہدایت کرتے ہوئے کہا ہے کہ  فائیو جی ٹیکنالوجی میں انسٹرامنٹ لینڈنگ سسٹم، آٹو پائلٹ کے استعمال سے گریز کریں ۔