قومی کرکٹ ٹیم دورہ بنگلا دیش مکمل کرکے وطن واپس پہنچ گئی

ایوی ایشن ذرائع کے مطابق بعض ٹیکنیکل وجوہات کی بنا پر پرواز ای کے 608 کی دبئی سے کراچی کیلئے روانگی میں2 گھنٹے 22 منٹ کی تاخیر ہوئی، پرواز نے رات 7:52 بجے کراچی لینڈ کیا۔  

ایوی ایشن ذرائع کا کہنا ہے کہ تمام پاکستانی کھلاڑیوں اور ٹیم آفیشلز کے کراچی ائیرپورٹ کے ٹرمینل ون پر پی سی آر ٹیسٹ لیے گئے۔ 

پی سی بی حکام کے مطابق کورونا وائرس کی رپورٹس منفی آنے تک تمام کھلاڑی ہوٹل میں قرنطینہ رہیں گے۔ 

اس سے قبل ویسٹ انڈیز کی کرکٹ ٹیم بھی دبئی کے راستے آج دوپہر کراچی پہنچ چکی ہے۔  
پاکستان اور ویسٹ انڈیز کے مابین پہلا ٹی ٹوئنٹی میچ 13 دسمبر کی شام 6 بجے کھیلا جائے گا،14 دسمبر کو ٹی ٹوئنٹی کا دوسرا جبکہ 16 دسمبر کو تیسرا اور فائنل میچ ہوگا۔ 

WI have arrived safe and sound in Pakistan ahead of the T20I and ODI series! ???

Thanks to @TheRealPCB for hosting us! ?#PAKvWI #MenInMaroon pic.twitter.com/X1JYIG9e9m

— Windies Cricket (@windiescricket) December 9, 2021

شیڈول کے مطابق ہفتے 18 دسمبر کو ایک بجے پاکستان اور ویسٹ انڈیز کی ٹیموں کے درمیان  پہلا ون ڈے کھیلا جائے گا جبکہ اس سیریز کا اگلا میچ 20 اور آخری 22 دسمبر کو نیشنل اسٹیڈیم میں کھیلا جائے گا۔ 

سندھ پولیس کے اسپیشل سکیورٹی یونٹ اور ڈسٹرکٹ پولیس کی جانب سے نیشنل اسٹیڈیم میں سخت حفاظتی انتظامات کیے گئے ہیں۔ 

دونوں ٹیموں کے اسٹیڈیم آنے جانے کے لیے خصوصی سیکورٹی انتظامات کیے گئے ہیں۔