معروف کمپنی ایپل کے شیئر کی قیمت میں 1.6 فیصد اضافہ

غیر ملکی خبر رساں ادارے کے مطابق  امریکی ٹیکنالوجی کمپنی ایپل تین ٹریلین ڈالرزمارکیٹ کیپ کے قریب پہنچ گئی ۔ کمپنی کا حجم تین ٹریلین ڈالر ہونے کی صورت میں یہ کمپنی جرمنی کے بعد دنیا کی پانچویں بڑی معیشت کے برابر ہو جائے گی ۔

امریکی ٹیکنالوجی کمپنی ایپل کے شیئر کی قیمت ایک اعشاریہ 6 فیصد اضافے کے ساتھ 174 ڈالر ہو چکی ہے  اور وہ دو ٹریلین کا ہدف پورا کر چکی ہے۔  کمپنی اس وقت تین ٹریلین مارکیٹ کیپ  کے ہدف سے 500 بلین ڈالرز دور ہے۔ تین ٹریلین  ڈالرز کا ہدف حاصل کرنے کے لیے اس کے شیئرز کی قیمت 183 ڈالر  پر ٹریڈ ہونے کی ضرورت ہے۔

بڑے سرمایہ کار ایپل کو محفوظ تصور کرتے ہوئے اس میں سرمایہ کاری کر رہے ہیں اور یہ ہدف پورا  ہوتا نظر آتا ہے ۔ایپل کے شیئرز کی قدر میں اس سال 30 فیصد اضافہ ریکارڈ کیا گیا  جبکہ ٹرلین ڈالرز کلب میں شامل دیگر کمپنیوں مائیکرو سافٹ، ایمازون، الفابیٹ  اور ٹیسلا  کے شیئرز کی قیمت میں 10 سے 70 فیصد تک اضافہ ہوا ہے۔