کرکٹ کی بہتری کیلئے کپتان کو بااختیار بنایا:رمیز راجہ

تفصیلات کے مطابق چیئرمین پاکستان کرکٹ بورڈ کا کہنا تھا کہ میں نے کپتان کو اس کی مرضی کے فیصلے کرنے دیئے صرف یہی کہا کہ فائٹ کرنی ہے،ہم پاکستان کرکٹ کو اوپر لیکر جانا چاہتے ہیں۔

رمیز راجہ کا کہنا تھا کہ پاکستان کرکٹ ٹیم نےبنگلہ دیش کیخلاف شاندار کارکردگی دکھائی ہے۔

ان کا کہنا تھا کہ بنگلہ دیش کو اس کی سرزمین پر ہرانا آسان نہیں تھا،بنگلہ دیش نے حال ہی میں آسٹریلیا اور نیوزی لینڈ ٹیم کو ہرایا تھا۔

ان کا مزید کہنا تھا کہ ہم پی ایس ایل کو میگا ایونٹ بنانا چاہتے ہیں، پی ایس ایل 7 میں فین زون بنائینگے، اسٹیڈیم کےباہر بنائے جانیوالے فین زون سے ایک کمنٹریٹر بھی تلاش کریں گے۔