Advertisement

میکسیکو: ٹرک اُلٹنے سے 53 افراد ہلاک ،درجنوں  زخمی 

میکسیکو: چیاپاس میں موڑ کاٹتے ہوئے ٹرک اُلٹ گیا جس کے نتیجے میں 53 افراد ہلاک ہوگئے جبکہ  درجنوں افراد  زخمی  ہوئے ہیں  ۔ 

GNN Web Desk
شائع شدہ 5 سال قبل پر دسمبر 10 2021، 2:16 شام
ویب ڈیسک کے ذریعے
میکسیکو: ٹرک اُلٹنے سے 53 افراد ہلاک ،درجنوں  زخمی 

غیر ملکی خبررساں ادارے کے مطابق حکام کا کہنا ہے کہ جنوبی میکسیکو میں ٹرک کے حادثے میں کم از کم 53 افراد ہلاک اور درجنوں زخمی ہو گئے ہیں۔حادثہ اس وقت پیش آیا جب چیاپاس کے قریب  تیزرفتار ٹرک موڑ کاٹتے ہوئے اپنا توازن برقرار نہیں  رکھ پایا ۔ جائے وقوعہ سے لی گئی تصاویر میں متاثرین الٹنے والے ٹرک کے آگے سڑک پر بکھرے ہوئے دکھائی دے رہے ہیں ۔ 

 ٹرک میں 107 افراد سوار تھے جن میں بچے اور خواتین بھی شامل ہیں ۔ میڈیا رپورٹس کے مطابق  ہلاک افراد میں زیادہ تعداد وسطی امریکہ سے آنے والے تارکین وطن کی ہے ۔

چیاپاس شہری تحفظ کے ادارے کے سربراہ لوئس مینوئل گارشیا کے مطابق میکسیکو میں اپنی نوعیت کے بدترین حادثات میں سے ایک ہے، جس میں کم از کم 58 افراد زخمی ہوئے، جن میں سے کچھ کی حالت تشویشناک  ہے ۔ ان کا کہنا تھا کہ ہلاک ہونے والوں میں مرد، خواتین اور بچے شامل ہیں ۔ 

حکام کی جانب سے تاحال  ان   افراد  کی  قومیتوں کی تصدیق نہیں کی گئی ، لیکن مقامی حکام کا کہنا ہے کہ ٹرک  میں زیادہ تر افراد ہنڈوراس اور گوئٹے مالا کے تارکین وطن تھے۔

واضح رہے کہ وسطی امریکہ میں غربت اور تشدد سے فرار ہونے والے لاکھوں تارکین وطن ہر سال میکسیکو کے راستے امریکہ پہنچنے کی کوشش کرتے ہیں۔

Advertisement
رجحانات
Advertisement