ایشیا کی 50 مشہور شخصیات کی فہرست جاری

تفصیلات کے مطابق فہرست کی 10 مشہور شخصیات میں پاکستانی اداکارہ سجل علی کا نمبر 7 واں ہے۔

 پاکستان شوبز انڈسٹری سے اس فہرست میں سجل علی، یمنٰی زیدی، حدیقہ کیانی، بلال عباس، عاطف اسلم اور دیگر کے نام شامل ہیں۔

اس فہرست کو ترتیب دینے والے صحافی اسجد نذیر کا سجل علی کے بارے میں کہنا ہے کہ  سجل نئی نسل کے لیے مثال ہیں۔ انہوں نے کہا کہ سجل پاکستانی اداکاراؤں کے لیے نئے راستے بنارہی ہیں اور دیگر ان کے نقش قدم پر چل رہی ہیں۔

اس کے علاوہ گلوکار عاطف اسلم فہرست میں 25 ویں، گلوکارہ حدیقہ کیانی 30ویں، اداکارہ یمنٰی زیدی 35 ویں جبکہ اداکار بلال عباس کا فہرست میں39 واں نمبر ہے۔

خیال رہے کہ اس فہرست میں اُن مشہور شخصیات کے نام شامل کیے گئے ہیں جنہوں نے نہ صرف لوگوں کو متاثر کیا بلکہ اپنے مداحوں کے لیے دیرپا مثبت تاثرات قائم کیے۔

دوسری جانب اس فہرست میں میوزک انڈسٹری، ٹیلی ویژن، ادب اور سوشل میڈیا کے علاوہ بالی ووڈ، ہالی ووڈ اور پاکستانی انٹرٹینمنٹ انڈسٹری سے تعلق رکھنے والی مشہور شخصیات کے نام بھی شامل ہے۔