کورونا وائرس کی ایک اور نئی قسم سامنے آگئی

تفصیلات کے مطابق کورونا وائرس کی بھارتی قسم ڈیلٹا اور جنوبی افریقی قسم اومی کرون کے بعد اب ایک اور نیاویرینٹ  سامنے آگیاہے۔ قبرص یونیورسٹی کے بائیولوجیکل سائنس کے پروفیسر لیونڈیوس کوسٹریکس نے ایک انٹرویو میں بتایا  ہے کہ اس وقت لوگ اومیکرون اور ڈیلٹا سے بیک وقت متاثر ہورہے ہیں اور ہم نے ان دونوں اقسام کے امتزاج کو دریافت کیا ہے۔

قبرص میں اس  نئی قسم کے 25 کیسز کی تشخیص ہوئی ہے، تحقیق میں بتایا گیا ہے کہ نئی قسم میں اومی کرون اور ڈیلٹا دونوں انفیکشن موجود ہیں ، ابھی یہ کہنا قبل از وقت ہوگا کہ ڈیلٹا کرون کتنا نقصان دہ ہوسکتا ہے۔  25 نمونوں کے تجزیے میں دریافت  ہوا کہ اس قسم میں 10 میوٹیشن اومی کرون سے آئی ہیں۔ ڈیلٹا کو مریضوں کی صحت کے لیے اومی کرون سے زیادہ خطرناک تصور کیا جاتا ہے۔

اس نئی قسم کا کوئی سائنسی نام ابھی تک نہیں رکھا گیا ہے اور اس کے بارے میں جاننے کے لیے ابھی مزید انتظارکرنا ہوگا۔

خیال رہے کہ اومی کرون کو ڈیلٹا کے مقابلے میں زیادہ متعدی خیال کیا جارہا ہے جس کی ابھی تک تصدیق تو نہیں ہوئی  ہے لیکن اس حوالے سے شہبات ظاہر کیے جارہے ہیں ۔ 

واضح رہےکہ امریکی ویکسین ساز کمپنی موڈرنا  اومی کرون کے بعد نئی کورونا قسم سے متعلق پہلے ہی انتباہ جاری  کر چکے ہیں۔