کورونا وبا، سندھ کےپرائیویٹ سکولوں کو بڑا حکم دے دیا گیا

کراچی : کورونا وائرس کی ممکنہ پانچویں لہر سے نمٹنے کیلئے صوبہ سندھ کے تمام پرائیویٹ سکولوں کو ہدایت کی گئی ہے کہ وہ طلبہ کی ویکسی نیشن لازمی کروائیں۔

ڈائریکٹر جنرل (ڈی جی) سکولز سندھ نے کورونا وائرس کی قسم اومی کرون کے کیسز بڑھنے پر  پرائیویٹ سکولوں کو خط لکھ کر ویکسی نیشن کے حوالے سے ہونے والے فیصلے سے آگاہ کیا ہے۔

خط میں کہا گیا ہے کہ 12 سے 18 سال کے تمام طلبہ کو جلد از جلد کورونا سے بچاؤ کی ویکسین لگوائی جائے۔ طلبہ کے علاوہ سکولوں کے عملے کا بھی مکمل طور پر ویکسی نیٹڈ ہونا ضروری قرار دیا گیا ہے۔