پی ایس ایل ملتوی ہونے پرشعیب اختر پی سی بی پر برس پڑے

تفصیلات کے مطابق شعیب اختر نے فیس بک کے ماتحت چلنے والی  فوٹو شیئرنگ ایپ انسٹا گرام پر ایک ویڈیو پیغام شیئر کرتے ہوئے سخت ناراضگی اور غصے کا اظہار کیا ہے۔ ان کا کہنا تھا جنہوں نے کبھی ٹیپ بال کرکٹ نہیں کرائی وہ پی ایس ایل کروا رہے ہیں۔ میڈیکل پینل کی ذمہ داری تھی کہ بائیو ببل کو محفوظ بناتے، جو اس میں ذمہ دار ہیں ان کے خلاف سخت انکوائری عمل میں لائی جائے۔ اس معاملے کی معزز لوگ تحقیقات کریں اور اسے بورڈ نہیں بلکہ حکومتی سطح پر دیکھا جائے۔

ان کا کہنا تھا کہ سارا کا سارا ملبہ وسیم خان پر ڈالا جارہا ہے جبکہ اصل ذمہ داری پی سی بی کی بنتی ہے۔ پی سی بی میں وسیم خان کے علاوہ کوئی بندہ بھی کام کرنے والانہیں ہے۔ انہوں نے کھلاڑیوں کی زندگیوں کو خطرے میں ڈالا ہے، پی ایس ایل ملتوی ہونے سے دنیا بھر میں پاکستان کا امیج خراب ہوا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Shoaib Akhtar (@imshoaibakhtar)

شعیب اختر کا مزید کہنا تھا کہ کام کرنے والے بندوں کو اوپر لاناہوگا، پھر ہی پی ایس ایل سمیت دیگر چیزوں میں بہتری آسکتی ہے۔ پی ایس ایل پاکستان کا برانڈ ہے اور مجھے افسوس ہے کہ اس برانڈ کو خراب و برباد کیا جا رہا ہے۔

واضح ہے کہ کورونا وائرس کے بڑھتے کیسز کے باعث پی ایس ایل سکس غیر معینہ مدت کیلئے ملتوی کردیا گیا ہے۔