’ 2023ء سے قبل مہنگائی کے جن کو بوتل میں بند کریں گے ‘

وزیر خارجہ شاہ محمود قریشی نے حلقے کا دورہ کیا، شاہ محمود قریشی نے حلقہ کی عوام اور کارکنوں سے گفتگوکرتے ہوئے کہا کہ   دو سال سے عالمی معیشت بھی بحرانو ں کی زد میں ہے۔ 2023ء سے قبل مہنگائی کے جن کو بوتل میں بند کریں گے،  بیرون ملک نہ کوئی فلیٹس ہیں، نہ کوئی اکاؤنٹس ہیں اور نہ ہی کسی کا باہر جانے کا پروگرام ہے،  عوام میں سے ہیں اور عوام کے ساتھ ہی رہیں گے۔

شاہ محمود قریشی نے کہا کہ  اپوزیشن جتنے مرضی مارچ کر لے نہ ان ہاؤس تبدیلی آئیگی اور نہ حکومت ختم ہوگی ،  اپوزیشن کو شکست ہوگی ، تحریک انصا ف کی جمہوری حکومت اپنی مدت پوری کریگی ۔انہوں نے کہا کہ   ماضی میں کرپشن اور اپنوں کو نوازنے کے چکرمیں قومی خزانے کو بے دردی سے لوٹا گیا ،  حکمرانوں کی جانب سے  بیرون ملک جائیدادیں بنائی گئیں۔

وزیر خارجہ کا مزید کہنا تھا کہ   5 سال خلوص نیت سے تمام وسائل اور توانائیاں عوامی ترقی پر صرف کررہے ہیں ،  انشاء اللہ 2023ء کے انتخابات میں بھی تحریک انصاف ملک بھر میں پھرپور کامیابی حاصل کریگی۔