پیٹ کمنز نے عثمان خواجہ کو ’شیمپیئن شاور‘ سے بچا کر مداحوں کے دل جیت لیے

تفصیلات کے مطابق اوول گراؤنڈ میں جب آسٹریلوی کھلاڑیوں نے اسٹیج پر شراب کی بوتل اچھالی تو مذہبی عقائد کے پیش نظر عثمان خواجہ شراب کے اسپرے سے بچنے کے لیے پیچھے ہوگئے۔

پیٹ کمنز نے فوری عثمان خواجہ کے رد عمل پر کھلاڑیوں کو شراب ہٹانے کی ہدایت دیتے ہوئے ٹیم کو دوبارہ یکجاں کردیا۔

پیٹ کمنز کے اس اقدام کے بعد 5 ٹیسٹ میچز کی سیریز میں دو اختتامی میچز کھیلنے والے عثمان خواجہ واپس اسٹیج پر آئے اور کپتان کے ہمراہ گھٹنوں کے بل بیٹھ کر دوبارہ جشن میں شامل ہوئے۔ 

This might be a small gesture but this is what makes Pat Cummins great. He realised Khawaja had to dip because of the booze and rectifies it. pic.twitter.com/GNVsPGJhfK

— Fux League (@buttsey888) January 16, 2022

سیریز میں انگلینڈ کی سب سے زیادہ وکٹیں حاصل کرنے والے کمنز نے کہا کہ عثمان مسلمان ہیں اور انہیں بالکل پسند نہیں ہے کہ ان پر شراب چھڑکی جائے۔ 

انہوں نے کہا کہ میں نے صرف اس بات کو یقینی بنایا عثمان اسٹیج سے اٹھ گیاتھا اور اس پر شراب نہیں پھینکی گئی۔

سوشل میڈیا پر پیٹ کمنز کا یہ عمل مداحوں کی جانب سر سراہا جارہا ہے اور اس پر شائقین کرکٹ اپنے رد عمل اظہار بھی کررہے ہیں۔