کراچی : شاہ رخ کے قتل میں ’ملوث پولیس اہلکار‘ نے خودکشی کرلی

کراچی : ڈکیتی کے دوران ماں اور بہن کے سامنے نوبیاہتا نوجوان شاہ رخ کوقتل کرنے والے ملزم نے گرفتاری کے خوف سے خود کو گولی مارلی۔

تفصیلات  کے مطابق کراچی کے علاقے پاکستان ایمپلائز کو آپریٹو ہاؤسنگ سوسائٹی (پی ای سی ایچ ایس) میں کشمیر روڈ کے قریب ایک گھر کے باہر ڈکیتی کے دوران مزاحمت کرنے پر  ملزم کی فائرنگ سے نوبیاتا نوجوان جاں بحق ہوگیا تھا۔

سی سی ٹی وی فوٹیج کے مطابق ماں اور بیٹی رکشے میں گھر کے باہر پہنچتی ہیں کہ ایک موٹر سائیکل سوار ملزم انہیں گن پوائنٹ پر گھیر لیتا ہے۔اس دوران ایک خاتون نے گھر کی گھنٹی بجائی، رکشہ ڈرائیور اس موقع پر فرار ہوجاتا ہے جبکہ ڈاکو ایک خاتون سے سامان بٹورنے میں مصروف ہوتا ہے۔ اتنے میں خاتون کا بیٹا شاہ رخ اچانک دروازہ کھول کر باہر نکلتا ہے اور ڈاکو کی جانب لپکتا ہے۔ یہ دیکھ کر  ملزم اس پر فائر کرکے موقع سے فرار ہوجاتا ہے۔

سی سی ٹی فوٹیج اور دیگر شواہد کی روشنی میں پولیس ملزم کو گرفتار کرنے پہنچی تو اس نے خود کو گولی مار کرلی،ملزم کی شناخت علی فرزند جعفری کے نام سے ہوئی ہے جو کہ پولیس اہلکار تھا۔

چند روز قبل ڈکیتی واردات کے دوران نوجوان کو قتل کرنے والا ڈاکو پولیس اہلکار علی فرزند جعفری نکلا۔
گرفتاری کے خود سے ملزم نے خودکشی کرلی۔#Karachi pic.twitter.com/2E7oEd2oqe

— Muhammad Umair (@MohUmair87) January 17, 2022