سیکورٹی فورسز کا شمالی وزیرستان کے علاقہ تھل میں آپریشن،2 دہشتگرد ہلاک

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق سیکورٹی فورسز کا شمالی وزیرستان کے علاقہ تھل میں آپریشن کیا ہے ،آپریشن کے دوران  فائرنگ کے تبادلہ میں دو دہشت گرد ہلاک کردئیے گئے۔

ترجمان پاک فوج کا کہنا ہے کہ  آپریشن کے دوران بھاری تعداد میں گولیاں اورہتھیار برآمد ہوئے ہیں ،  ہلاک دہشتگردوں کی شناخت غیوراوربہاؤالدین کےنام سےہوئی ہے،  دہشتگردوں فورسز پر حملے،ٹارگٹ کلنگ،اغوا،تاوان کی وارداتوں میں مطلوب تھے۔