لاہور : اومی کرون نے خطرے کی گھنٹی بجا دی

تفصیلات کے مطابق صوبائی محکمہ صحت کا کہنا ہے کہ  صوبے میں گزشتہ 24 گھنٹوں کے دوران لاہور سے اومی کرون کے 95 ریکارڈ کیسز سامنے آئے ہیں ۔جس کے بعد لاہور میں اومی کرون کے مریضوں کی کل تعداد 643 ہوگئی ہے۔ 

محکمہ صحت کے مطابق پنجاب میں اومی کرون کیسز کی تعداد 690 تک پہنچ گئی  ہے۔

دوسری جانب ملک میں کورونا کی پانچویں لہر بھی شدت اختیار کر گئی ہے ، نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں گزشتہ 24 گھنٹوں کے دوران 23مریض انتقال کرگئے جس کے بعد اموات کی مجموعی تعداد 29ہزار065تک پہنچ گئی ہے ۔؎

ملک میں ایک روز کے دوران کورونا وائرس کے مزید 7 ہزار 678 کیسز سامنے آئے ہیں،  وائرس کے کُل مریضوں کی تعداد 13 لاکھ 53 ہزار 479 ہو چکی ہے۔

ملک میں مثبت کیسز کی شرح 12 اعشاریہ 93 فیصد تک  پہنچ گئی ۔  گزشتہ 24 گھنٹوں میں ملک میں کورونا وائرس کے مزید 59 ہزار 343 ٹیسٹ کیے گئے، جبکہ اب تک کُل 2 کروڑ 44 لاکھ 15 ہزار 716 کورونا ٹیسٹ کیے  جا چکے ہیں۔