میانمار میں پولیس کریک ڈاؤن کے باوجود جمہوریت پسندوں کا حوصلہ کم نہ ہوا

تفصیلات کے مطابق میانمار  میں سکیورٹی فورسز کے کریک ڈاؤن کے باوجود شہرشہر جمہوریت پسندوں کا احتجاج جاری ہے۔ٹریڈیونین کی اپیل پردکانیں ، فیکٹریاں ، بینک بندہیں۔منڈالےمیں ہزاروں افراد سڑکوں پرنکلے۔  پولیس نےمظاہرین کو منتشر کرنے کیلئے آنسوگیس کا استعمال کیا۔۔ یونیورسٹیوں اور اسپتالوں پرچھاپے مارے  گئے۔70 افراد کو گرفتار کرلیاگیا۔

ینگون میں بھی جمہوریت پسند شہری فوجی بغاوت کیخلاف سڑکوں پر نکلے۔پولیس کا مظاہرین کیخلاف کریک ڈاؤن، براہ راست فائرنگ سے متعدد افراد ہلاک اور زخمی ہوگئے۔ادھربرمی سکیورٹی اہلکاروں کی اپنے ہی شہریوں پر تشدد کی  نئی ویڈیو سامنے آگئی۔ویڈیو میں سکیورٹی اہلکاروں کو  سڑک کنارےلیٹے ایک شخص پر تشدد کرتے دیکھا جاسکتاہے۔