سابق ممبر قومی اسمبلی غلام محمد نور ربانی کھر انتقال کرگئے

تفصیلات کے مطابق خاندانی ذرائع کاکہنا ہے کہ غلام محمد نور ربانی کھر گردوں کے مرض میں مبتلا  تھے اور لاہور کے نجی ہسپتال میں زیر علاج تھے ۔  

غلام نور ربانی کھر2013سے 2018 تک رکن قومی اسمبلی رہے ۔ 

نور ربانی کھر سابق وزیر خارجہ حنا ربانی کھر اور پیپلز پارٹی کے ممبر قومی اسمبلی رضا ربانی کھر کے والد تھے ۔ نور ربانی کھر سابق گورنر پنجاب غلام مصطفیٰ کھر کے بھائی تھے۔ 

خاندانی ذرائع کے مطابق  مرحوم نور ربانی کھر کی نمازجنازہ سنانواں میں ادا کی جائیگی۔ 

دوسری جانب چیئرمین بلاول بھٹو زرداری  نے  سابق ایم این اے ملک غلام محمد نور ربانی کھر کے انتقال پر اظہارِ رنج و غم کرتے ہوئے  ایم این اے حنا ربانی کھر سمیت تمام سوگواران سے دلی تعزیت کا اظہار کیا ۔

بلاول بھٹو زرداری نے کہا کہ غلام محمد نور ربانی کھر پارٹی کا اثاثہ تھے، ان کی خدمات ہمیشہ یاد رہیں گی  ، دعاگو ہوں، اللہ تعالیٰ مرحوم غلام محمد نور ربانی کھر کو اپنے جوار رحمت میں بلند درجات عطا فرمائے ۔ پی پی پی چیئرمین نے سوگوار خاندان کے لیئے صبر جمیل کی دعا کی ہے۔