کورونا کے بڑھتے وار، انتظامیہ نے مزید چار سکول سیل کر دیے

تفصیلات کے مطابق  اسلام آباد میں کورونا کیسز میں اضافہ ہوا، انتظامیہ نے مزید چار سکول سیل کر دیے۔چھتر پارک،کری روڈ،کرنل امان اللہ روڈ اور پنڈ بیگوال میں سکول سیل کئے گئے ہیں۔سکولز کو کرونا کیسز سامنے آنے پر سیل کیا گیا ہے۔اسسٹنٹ کمشنر سیکرٹریٹ نے چارو سکولوں کو سیل کیا ہے۔

قبل ازیں  ایس او پیز کی خلاف ورزی پر ایکشن لیتے ہوئے 62 اسکول اور 15 ہوٹل سیل کر دیئے گئے جبکہ آٹھ افراد کو گرفتار کرلیا گیا۔

دوسری جانب ملک میں کورونا کے پھیلاؤ نے پھر خطرے کی گھنٹی بجا دی، چوبیس گھنٹے کے دوران مثبت کیسز کی شرح بارہ اعشاریہ پانچ تین فیصد ریکارڈ کی گئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 8 افراد جاں بحق ہوگئے، جس کے بعد اموات کی تعداد 29 ہزار 105 ہوگئی۔ پاکستان میں کورونا کے تصدیق شدہ کیسز کی تعداد 13 لاکھ 74 ہزار 800 ہوگئی۔