وہاڑی میں مبینہ پولیس مقابلہ، ایک ڈاکو ہلاک

جی این این  کے مطابق وہاڑی میں نا معلوم کار نے  ناکہ پر موجود تھانہ ٹھینگی پولیس پر فائرنگ کی  جس کے بعد پولیس نے تعاقب کر کے کرمپور کے علاقہ میں کار کو گھیرے میں لے لیا۔ پولیس کے مطابق فائرنگ کے تبادلہ میں ایک ڈاکو ہلاک ہوگیا جبکہ  4 ڈاکوموقع سے فرار ہوگئے ۔ ہلاک ہونیوالے ملزم کی شناخت تاحال نہیں ہوسکی ۔

پولیس نے گاڑی سے بھاری اسلحہ  اور تالے توڑنے کے اوزار برآمد کرلیے ۔ وہاڑی پولیس ترجمان کے مطابق  آپریشن کی قیادت ڈی پی او زاہد نواز مروت کر رہے ہیں ۔پولیس کے مطابق  مفرور ڈاکوؤں کی تلاش  کیلئے سرچ آپریشن جاری ہے ۔