جی سیون وزراء خزانہ کی  یوکرین پر حملے کی صورت میں روس  پر کڑی معاشی پابندیوں کی دھمکی

غیر ملکی خبر رساں ادارے کے مطابق   جی سیون وزرا ء خزانہ کا یوکرین تنازع کے شدت اختیار کرنے پر اجلاس ہوا،جس پر    جی سیون وزراء خزانہ نے  یوکرین پر حملے کی صورت میں روس  پر کڑی معاشی پابندیوں کی دھمکی دیدی۔

جی سیون وزراء خزانہ نے کہا ہے کہ   یوکرین کی سرحدوں پر روسی فوجیوں کی مسلسل تیاری شدید تشویش کا باعث ہے،  روس کی طرف سے یوکرین  پرفوجی جارحیت کا فوری، مربوط اور زبردست جواب دیا جائے گا۔

"روس کی طرف سے یوکرین کے خلاف مزید کسی بھی فوجی جارحیت کا فوری، مربوط اور زبردست جواب دیا جائے گا،" وزرا نے مزید کہا، "ماسکو کو اقتصادی اور مالی پابندیوں سے خبردار کیا جس کے روسی معیشت پر بڑے اور فوری نتائج ہوں گے"۔

G7 کینیڈا، فرانس، جرمنی، اٹلی، جاپان، برطانیہ اور امریکہ پر مشتمل ہے۔

دوسری جانب  جرمنی کے فوجی دستے لتھوینیا پہنچ گئے ہیں جبکہ  مزید نیٹو دستوں کی آمد جلد متوقع ہے۔ جرمنی کے 360 فوجی لتھوینیا بھجوائے جا رہے ہیں، 70 فوجیوں کا پہلا دستہ پہنچ گیا ہے۔

واضح رہے کہ  2015 میں کریمیا پر روس کے قبضے کے بعد سے بالٹک ملکوں میں نیٹو کے جنگی دستے تعینات کئے گئے تھے۔لتھوینیا، لٹویا، ایسٹونیا اور پولینڈ میں نیٹو کے 5 ہزار فوجی کئی برسوں سے موجود ہیں اس کے علاوہ   اضافی نفری بھی  بھجوائی جا رہی ہے۔ لتھوینیا میں 1100 نیٹو فوجی موجود ہیں جس میں سے  نصف تعداد جرمن فوج کی ہے۔