فخر زمان پی ایس ایل کے ایک ایڈیشن میں سب سے زیادہ رنز بنانے والے پلیئر بن گئے

تفصیلات کے مطابق بائیں ہاتھ سے کھیلنے والے اوپننگ بیٹر نے اس سیزن (پی ایس ایل 7) میں سب سے زیادہ رنز بناتے ہوئے بابر اعظم کا ریکارڈ توڑ ا ہے، بابر اعظم نے گزشتہ سیزن میں 554 رنز بنائے تھے۔

اس کے علاوہ فخر زمان پی ایس ایل کے ایک ایڈیشن میں سب سے زیادہ  پچاس یا زائد رنز بنانے والے پلیئر بھی بن گئے ہیں۔ گزشتہ روز کھیلے گئے میچ میں ملتان کے خلاف نصف سینچری اس ایڈیشن میں فخر زمان کا آٹھواں ففٹی پلس اسکور ہے۔

ان سے قبل گزشتہ سال بابر اعظم نے گیارہ اننگز میں سات مرتبہ ففٹی پلس اسکور کیے تھے۔

رواں  پی ایس ایل میں فخر زمان  اب تک 7 نصف سینچریاں اور ایک سینچری  بناچکے ہیں۔