سپر سکسز ٹورنامنٹ :پاکستان کو فائنل میں سری لنکا کے ہاتھوں شکست

ہانگ کانگ میں جاری سپر سکسز ٹورنامنٹ کے فائنل میں  سری لنکا نے پاکستان کو سات وکٹوں  شکست دے کر دوسری بار ٹائٹل جیت لیا۔

ایونٹ کے فائنل میں سری لنکا نے ٹاس جیت کر پہلے فیڈنگ کرنے کا فیصلہ کیا، ابتدائی اوور میں ہی گرین شرٹس کے 2 کھلاڑی جلد پویلین لوٹ گئے۔ 

پاکستان کی جانب سے محمد اخلاق کے علاوہ کوئی بھی بلے باز سری  لنکن بالرز کا مقابلہ نہ کرسکا، انہوں نے 48 رنز کی اننگز کھیلی جبکہ دیگر بیٹر میں کپتان فہیم اشرف 13، عامر یامین 6، آصف علی صفر جبکہ حسین طلعت ایک رنز بنا کر آؤٹ ہو گئے۔

سری لنکا کی جانب سے دھننجایا لکشن اور تھرندو رتھنائیکے نے 2، 2 کھلاڑیوں کو آؤٹ کیا۔

ہدف کے تعاقب میں سری لنکن ٹیم نے محتاط انداز میں بیٹنگ کرتے ہوئے ہدف تین وکٹوں کے نقصان پر  ایک اوورز قبل ہی حاصل کر لیا۔

سری لنکا کی جانب سے سندون ویراکوڈی 34، دھننجایا لکشن 2، کپتان لہورو مدھوشانکا 19 رنز بناکر نمایاں رہے جبکہ پاکستان کی جانب سے فہیم اشرف نے 2 وکٹیں حاصل کیں۔