روس یوکرین جنگ : دنیا کا سب سے بڑا طیارہ تباہ 

تفصیلات کے مطابق یوکرین کے وزیر خارجہ دیمیترو کولیبا  نے سماجی رابطے کی ویب سائٹ ٹوئٹر پر طیارے کے تباہ ہونے کی تصدیق کرتے ہوئے لکھا کہ  " روس نے ہماری 'مریا ' کو تباہ کر دیا ہے،   لیکن وہ کبھی بھی ایک مضبوط، آزاد اور جمہوری یورپی ریاست کے ہمارے خواب کو تباہ نہیں کر سکے گا"۔

This was the world’s largest aircraft, AN-225 ‘Mriya’ (‘Dream’ in Ukrainian). Russia may have destroyed our ‘Mriya’. But they will never be able to destroy our dream of a strong, free and democratic European state. We shall prevail! pic.twitter.com/TdnBFlj3N8

— Dmytro Kuleba (@DmytroKuleba) February 27, 2022

یوکرین کے  سرکاری ٹوئٹر ہینڈل نے افسردگی کے ساتھ  طیارے کی تصویر پوسٹ کی جس  کے عنوان میں  لکھا  : 'انہوں نے سب سے بڑا طیارہ جلا دیا لیکن ہماری مریا کبھی ختم نہیں ہوگی'۔

The biggest plane in the world "Mriya" (The Dream) was destroyed by Russian occupants on an airfield near Kyiv. We will rebuild the plane. We will fulfill our dream of a strong, free, and democratic Ukraine. pic.twitter.com/Gy6DN8E1VR

— Ukraine / Україна (@Ukraine) February 27, 2022

خبر ایجنسی کے مطابق دنیا کا سب سے بڑا یوکرینی ہوائی جہاز یوکرین کے ہوسٹومیل ایئرپورٹ پر ہینگر میں کھڑا تھا ، جو حملے کے چوتھے روز  دوطرفہ بمباری کے دوران تباہ ہو گیا ۔  روسی بمباری کے نتیجے میں طیارے کو شدید نقصان پہنچا،  یہ دنیا کا اپنی نوعیت کا واحد طیارہ تھا۔ 

یوکرین کے اس طیارے  نے اپنی پہلی پرواز 1988 میں کی جبکہ یہ 250ٹن تک سامان لے جانے کی صلاحیت رکھتا تھا ۔ اسے "مریا " کا نام دیا گیا تھا، جس کا مطلب یوکرین میں "خواب" ہے۔

یہ کارگو پروازوں کے لیے یوکرین کی اینٹونوف ایئر لائنز کے ذریعے چلائی گئی ہے اور کورونا وبائی امراض کے آغاز کے دوران اس کی طلب میں بہت اضافہ ہوا تھا ۔ 

ابتدائی طور پر یہ سوویت ایروناٹیکل پروگرام کے حصے کے طور پر بنایا گیا تھا اور اس کا استعمال پوری دنیا میں خاص طور پر مختصر  مدت  پر بڑی مقدار میں انسانی امداد پہنچانے کے لیے بھی کیا جاتا تھا۔   تاہم سوویت یونین کے زوال کے بعد یہ طیارہ کئی سالوں سے کام نہیں کر سکا۔