آئی ایس پی آر نے نیا ملی نغمہ'ایک قوم ایک منزل' جاری کردیا

تفصیلات کے مطابق  پاک فوج کے شعبہ تعلقات عامہ (آئی ایس پی آر ) کی جانب سے یوم پاکستان کی مناسبت سے  جاری  ترانہ  ’ایک قوم ایک منزل‘  کو  گلوکار علی ظفر اور آئمہ بیگ نے گایا ہے جبکہ گانے کی موسیقی بھی علی ظفر نے ترتیب دی ہے۔ ملی نغمے کے بول عابد حسن نے  تحریر کیے ہیں جبکہ میوزک پروڈیوسر سرمد غفور ہیں۔

One Nation , One Destiny
ایک قوم ، ایک منزل https://t.co/sSesgk17SP

— DG ISPR (@OfficialDGISPR) March 13, 2021

اس  ترانے کا مقصد ایک قوم ایک منزل کے مقصد کو اُجاگر کرنا ہے۔  آئی ایس پی آر کی جانب سے جاری  نغمہ  میں  پاکستان کے حصول کیلئے قائداعظم  کی قربانیوں کے بارے میں پیغام  شامل کیا گیا  ہے ، یہ نغمہ پاکستانی قوم کے جذبے ،  عزم اور ہمت کی بھی عکاسی کرتا ہے۔

آئی ایس پی آر کے مطابق ’ایک قوم ایک منزل‘ 81 برس گزر جانے کے بعد بھی قوم کے اتحاد اور عزم  وہمت کو اجاگر کرتا ہے جبکہ اس نغمے میں  محبت ، ہمدردی ، رواداری ، اخوت اور وحدت ملی کا احساس  نمایاں ہے  ۔ اس نغمے میں پاکستان کے  ہرعمر ،  طبقے ، شعبہ ہائے زندگی سے تعلق رکھنے والے افراد  کو خراج تحسین پیش کیا گیا ہے ۔