ق لیگ نے پنجاب میں وزارت اعلیٰ کیلئے علیم خان کا نام مسترد کر دیا

ذرائع کے مطابق  وزیردفاع پرویزخٹک کی سربراہی میں تین وزراء نے مونس الٰہی اور طارق بشیر چیمہ سے  ملاقات  کی ، جس میں پنجاب میں سیاسی صورتحال اور  وزیراعلیٰ کی تبدیلی کی صورت میں نئی حکمت عملی پر مشاورت کی گئی ۔ تحریک انصاف کے وزراء نےعلیم خان کا نام بطوروزیراعلی پنجاب پیش کیا ۔  تاہم مسلم  لیگ ق  کی جانب سے اس تجویز کو مسترد کردیا گیا ۔ ق لیگ نے موقف اختیار کیا کہ  علیم خان سے بہتر ہے کہ عثمان بزدار  ہی وزیراعلی ٰ پنجاب رہیں ۔ 

یاد رہے وزیراعظم عمران خان نے موجودہ صورتحال میں سینئر قیادت سے آج پھر مشاورت کا فیصلہ کرلیا اور پی ٹی آئی کے مرکزی رہنماؤں کو وزیراعظم ہاؤس بلالیا ہے۔

 گزشتہ روز وزیراعظم عمران خان کی جانب سے ٹاسک ملنے کے بعد گورنر سندھ عمران اسماعیل نے پاکستان تحریک انصاف کے رکن صوبائی اسمبلی عبدالعلیم خان سے ملاقات کی۔  گورنر سندھ عمران اسماعیل اور فواد چودھری میں ملاقات ہوئی،  جس کے بعد فواد چوہدری اور عمران اسماعیل وزیراعظم سے ملاقات کیلئے بنی گالا روانہ ہوگئے ۔